У Баварыі абвясцілі паляванне на агрэсіўную чарапаху
Яна жыве ў мясцовай сажалцы ў камуне Ірзее. На мінулым тыжні яна ўкусіла 8-гадовага хлопчыка ў нагу, што прывяло да парыву ахілава сухажылля.
Як піша lenta.ru са спасылкай на нямецкія СМІ, хутчэй за ўсё, гаворка ідзе або пра кайманаву, або пра грыфаву чарапаху.
Каб лягчэй была знайсці жывёлу, з сажалкі адпампавалі практычна ўсю ваду, а рыбу перавезлі ў суседнюю сажалку. Эксперты мяркуюць, што чарапаха схавалася ў глеі на дне, дзе яе практычна немагчыма вылічыць. Калі пошукі не прынясуць поспеху, то на чарапаху могуць паставіць пастку.
Мэр Ірзее Андрэас Ліб паабяцаў тысячу еўра таму, хто знойдзе чарапаху. Пры гэтым улады настойліва прасілі мясцовых жыхароў не спрабаваць злавіць яе самастойна.
Кайманавыя і грыфавыя чарапахі распаўсюджаныя ў Канадзе і ЗША. Іх увоз, утрыманне і продаж у Нямеччыне забароненыя з 1999 года. Якім чынам жывёла магла пасяліцца ў баварскай сажалцы, пакуль невядома.
Фота кайманавай чарапахі — Wikipedia
