У Беларусі працягваюць гарэць лясы
Пажар у лесе / bobrlife.by
За апошнія суткі Мінлясгас ліквідаваў шэсць лясных пажараў, паведамляе прэс-служба ведамства. Ачагі ўзгаранняў былі выяўленыя ў лясгасах Ганцавічаў, Пінска, Гродна, Магілёва, а таксама ў Чачэрскім спецыялізаваным лясгасе.
Усе пажары ўдалося патушыць на ранняй стадыі, агульная плошча ўзгаранняў склала 0,7 гектара.
З пачатку года дзяржлесахова ліквідавала ўжо 386 лясных пажараў.
Нагадваем, што з 23 па 25 верасня на большай частцы Віцебскай, Гомельскай і Магілёўскай абласцей прагназуецца Надзвычайная пажарная небяспека (5 клас).
