У Беларусі запусцілі партал для турыстаў: больш за 120 маршрутаў па заказніках
Інфармацыя на партале прадстаўлена на чатырох мовах / Скриншот с портала
У лютым 2025 года з’явіўся новы партал па экалагічным турызме і актыўным адпачынку ў Беларусі — itourist.by. На сайце сабрана інфармацыя пра 30 найбуйнейшых заказнікаў краіны, а таксама больш за 120 турыстычных маршрутаў, якія падзелены на 4 катэгорыі:
экскурсіі;
экатурызм;
назіранне;
навуковыя туры.
Інфармацыя на партале прадстаўлена на чатырох мовах: беларускай, рускай, англійскай і кітайскай.
“Гэты праект дапаможа кожнаму, хто хоча правесці адпачынак на прыродзе і адкрыць для сябе маляўнічыя куткі Беларусі”, — адзначаюць распрацоўшчыкі Студыі Баравога.
Партал створаны пры падтрымцы Праграмы развіцця ААН (ПРААН).
