У Эквадоры навукоўцы знайшлі новы від сысуноў
Гэтая жывёла памерам з янота і з пысай плюшавага мядзведзіка называецца алінгіта.
Алінгіта жыве ў горных лясах Эквадора і Калумбіі. Больш за 100 гадоў яго памылкова прымалі за падобнага да яго алінга, адзначае ВВС.
Даследчыкі са Смітсанаўскага інстытута ў Вашынгтоне вывучылі зубы, чэрап і скуру жывёлы і пацвердзілі, што гэта — першы выяўлены ў Новым Свеце за 35 гадоў новы від драпежнай жывёлы.
Фота — Mark Gurney
