У Мінску хочуць правесці кангрэс славянскіх народаў
18 студзеня з такой ініцыятывай выступілі ўдзельнікі Сабору славянскіх народаў.
Яны таксама прапанавалі абвясціць 18 студзеня днём яднання трох братніх народаў, паведамляюць расійскія СМІ.
У гэты дзень роўна 360 гадоў таму адбылася Пераяслаўская Рада — сход прадстаўнікоў запарожскага казацтва на чале з гетманам Багданам Хмяльніцкім, на якім было ўсенародна прынятае рашэнне пра аб'яднанні тэрыторыі Украіны з Рускім царствам.
Сабор славянскіх народаў праходзіць ва ўкраінскім Пераяслава-Хмяльніцкім. Ад Беларусі ў ім бярэ ўдзел Ліберальна-дэмакратычная партыя.
Дырэктар Інстытута краін СНД Канстанцін Затулін заявіў, што ініцыятыва абвясціць 18 студзеня днём адзінства можа быць аформлена заканадаўча і знайсці падтрымку ў парламентах Беларусі і Украіны.
