У Мінску пройдзе фэст вулічнай культуры і спорту
Фэст пад назвай Minsk Street Gamez запланаваны на 8 чэрвеня ў "Мінск-Арэне".
Як паведамляюць "Мінск-Навіны", тут збярэцца моладзь, якая ўмее па-майстэрску катацца на скейце, роліках і байку, а таксама добра танчыць.
Прадстаўнікі вулічнай культуры змогуць выявіць сябе ў арганізаваных спартовых спаборніцтвах. Найлепшага вызначаць у наступных напрамках: скейтбордынг, ролер-спорт, BMX, брэйк-данс, фрыстайл-баскетбол, хіп-хоп.
Фота — minsknews.by
