Украінскія дзеці, якіх сілай вывозілі ў Расію, адпачываюць пад Крывым Рогам
Выкрадзеныя выхаванцы дома дзіцяці з горада Снежны цяпер знаходзяцца ў летніку “Карчагінец”.
Пасля актыўнага ўмяшання ў сітуацыю Данецкай абласной адміністрацыі, Міністэрства замежных спраў Украіны, упаўнаважанага Вярхоўнай Рады па правах чалавека ды іншых арганізацый, у тым ліку міжнародных, расійскі бок вярнуў ва Украіну 16 дзяцей-сірот, незаконна вывезеных за межы дзяржавы.
У суботу раніцай дзеці прыбылі ў летнік, дзе будуць знаходзіцца 21 дзень. Усе выдаткі, звязаныя з іх адпачынкам, узяў на сябе Крыварожскі гарсавет, інфармуе УНІАН са спасылкай на ўкраінскія СМІ.
