Урад Чэхіі падаў у адстаўку

Урад Чэхіі падаў у адстаўку. Прэзідэнт рэспублікі Вацлаў Клаўс задаволіў адпаведнае прашэнне. Кабінет міністраў Яна Фішэра быў сфармаваны крыху менш за год таму, пасля адстаўкі ўрада Мірэка Тапаланека. У бліжэйшыя дні чакаецца прызначэнне новага кабінета міністраў, паведамляе тэлеканал СТВ.

Яго складуць правыя палітычныя партыі, якія атрымалі па выніках нядаўніх парламенцкіх выбараў найбольшую колькасць дэпутацкіх мандатаў у ніжняй палаце парламента.