Вікторыя Азаранка выйшла ў фінал US Open
У пятніцу ў паўфінале адкрытага чэмпіянату ЗША беларуская тэнісістка выйграла ў італьянкі Флавіі Пенеты — 6:4, 6:2.
Асабліва цяжкім быў першы сэт, калі саперніцы адну за адной бралі чужыя падачы. Але Вікторыя здолела "даціснуць" Пенету. Другі сэт пачаўся падобна, але неўзабаве беларуска стала гуляць больш упэўнена і выйграла яго без асаблівых праблем.
У іншым паўфінале згуляюць амерыканка Серэна Уільямс і кітаянка Лі На.
