Вірус АЧС у беларускай кілбасе выявілі і ў Літве
Правозілі гэтую кілбасу ў асабістым багажы.
На Віленскім чыгуначным вакзале штодня канфіскуюць каля 15 кг розных прадуктаў жывёльнага паходжання, якія ў Літву спрабуюць завезці пасажыры з Беларусі.
Як паведамляе ru.delfi.lt, інспектары Дзяржаўнай харчова-ветэрынарнай службы канфіскавалі кілбасу і даставілі ў лабараторыю. Кілбаса з беларускімі этыкеткамі была вырабленая ў нашай краіне. У прадукце выявілі вірус афрыканскай чумы свіней (АЧС).
Кіраўнік службы Ёнас Мілюс кажа, што гэта ўжо другі выпадак, калі ў асабістым багажы пасажыраў з Белларусі знаходзяць кілбасу з вірусам АЧС. Па яго словах, хаця для людзей вірус не ўяўляе небяспекі, трапіўшы ў навакольнае асяроддзе ён дзейнічае непрагназавана, таксама ён устойлівы да нізкіх тэмператураў.
Дарэчы, у ЕС забаронена везці мясныя і малочныя тавары і вырабы, а таксама іншыя прадукты харчавання жывёльнага паходжання. Нават для асабістых мэтаў.
Фота — AOP
