З Расіі вярнулі ў Беларусь 30 тон бульбы і 20 тон таматаў
Груз прызначаўся для Масквы і Сонечнагорска.
Аднак, як паведамляе Рассельгаснагляд, расійскія спецыялісты падчас праверкі высветлілі, што беларуская прадукцыя перавозілася з парушэннем маркіроўкі і без дакументаў, якія пацвярджалі б яе бяспеку. Гэта і стала прычынай вяртання бульбы і таматаў у Беларусь.
Нагадаем, пасля ўвядзення Расіяй антысанкцый супраць краін ЕС быў уведзены ўзмоцнены кантроль за прадуктамі харчавання, якія пастаўляюцца на расійскую тэрыторыю. Яго мэта — недапушчэнне рээкспарту прадуктаў з краін Еўрасаюза.
Фота — ria.ru
