Замежным студэнтам спатрэбіцца дазвол для працы ў Польшчы
Віза, ілюстрацыйнае фота / migratop.com
Міністэрства замежных справаў Польшчы вырашыла змагацца са злоўжыванні пры выдачы студэнцкіх візаў замежнікам, перадае Беларуская служба Польскага радыё.
МЗС падрыхтавала рэформу візавай сістэмы, каб зменшыць колькасць замежнікаў, якія навучаюцца ў Польшчы. Акрамя таго замежным студэнтам давядзецца атрымліваць дадатковы дазвол на працу ў Польшчы. Сёння яны могуць працаваць на падставе віду на жыхарства.
"Гэтая прапанова заслугоўвае жорсткай крытыкі. Няма апраўданняў для пазбаўлення сумленных студэнтаў іх цяперашняга права працаваць без дазволу на працу", — каментуе гэтую прапанову адвакатка Караліна Шыфтэр.
Прапанаваныя змены — вынік візавага скандалу, які адбыўся некалькі месяцаў таму. Выявілася, што польскія дыпламаты выдавалі вялікую колькасць студэнцкіх візаў жыхарам азіяцкіх і афрыканскіх краін. Тыя ж, прыехаўшы ў краіну, не навучаліся, а ішлі працаваць.
Ад візавага скандалу пацярпелі таксама беларусы, якім сталі істотна абмяжоўваць выдачу візаў.
