Заступніцтва Лаўрова не дапамагло вызваліць расіянаў з СІЗА КДБ

Надзеі МЗС Расіі на вызваленне Івана Гапонова і Арцёма Бреуса не спраўдзіліся. Абодва расіяніна, абвінавачаныя па справе аб "беспарадках", пакінутыя пад вартай.  Сёння яны пачалі знаёміцца з матэрыяламі крымінальнай справы.

І сёння ж кіраўнік МЗС РФ Сяргей Лаўроў у інтэрв'ю тэлеканалу RT назваў непрымальным тое, што грамадзяне Расіі да гэтага часу знаходзяцца ў зняволенні. Міністр заявіў, што лічыць абвінавачанні, якія выстаўляюцца супраць суайчыннікаў, "несур'ёзнымі".