Затрыманы адзін з удзельнікаў нападу на ізраільскіх фанатаў у Амстэрдаме
Некалькі ізраільскіх фанатаў трапілі ў бальніцу
Затрымалі аднаго з удзельнікаў нападу на ізраільскіх футбольных фанатаў у Амстэрдаме. 26-гадоваму мужчыну прад’явілі абвінавачанні.
Расследаванне праводзяць нідэрландскія і ізраільскія спецыялісты. Учора ў Амстэрдам прыляцеў кіраўнік МЗС Ізраіля Гідэон Саар.
“Мне сорамна”, — сказаў на сустрэчы з ізраільскім міністрам кіраўнік Мінюсту Нідэрландаў Дэвід ван Віл.
Сутычкі пачаліся пасля заканчэння футбольнага матчу паміж тэль-авіўскім "Макабі" і галандскім "Аяксам" у ноч з 7 на 8 лістапада. Антысеміцкія групы на вуліцах сталі пераследаваць заўзятараў ізраільскага клуба. Не менш за дзесяць чалавек трапілі ў бальніцу.
