Зборная Паўночнай Ірландыі на Еўра-2016 выйграла ва Украіны — 2:0
Зборная Украіны прайграла камандзе Паўночнай Ірландыі ў матчы другога туру групавога этапу чэмпіянату Еўропы па футболе 2016 года — 2:0. Сустрэчы прайшла 16 чэрвеня ў французскім Лансе.
Украінская каманда лічылася фаварытам, але нечакана саступіла сапернікам, якія ўпершыню выступаюць у фінальнай частцы чэмпіянату Еўропы. Галы забілі Гарэт Макаўлі (на 49-й хвіліне) і Ніэл Макгін (у даданы час).
Дарэчы, пачатак другога тайму быў адзначаны непагаддзю. Над полем пайшоў дождж, а потым і град. Гульню нават давялося перапыняць на некалькі хвілінаў.
Украіна на Еўра-2016 не выйграла яшчэ ніводнага матчу (першы матч украінцы прайгралі зборнай Нямеччыны — 2:0). Такім чынам, украінская зборная фактычна згубіла шанцы на выхад у наступны раўнд.
Каманда Паўночнай Ірландыі першы матч прайграла Польшчы — 0:1.
