Зніклы пасля канцэрта на Мінскім моры 23-гадовы хлопец загінуў
Сёння знайшлі цела Рыгора Брацянкова.
Як паведамляла Еўрарадыё, у ноч з 25 на 26 траўня ён быў на канцэрце каля Мінскага мора. Апошні раз Рыгора Брацянкова бачылі там раніцай 26-га. Але дома малады чалавек так і не з’явіўся.
Яго пошукі ішлі некалькі дзён. Выратавальнікі не паведамляюць падрабязнасці, як здарылася трагедыя. Паводле звестак партала tut.by, Брацянкоў патануў у Мінскім моры.
