Золатавалютныя рэзервы Беларусі за месяц скараціліся на 101,3 млн долараў
На 1 жніўня яны склалі 7 мільярдаў 916 мільёнаў 300 тысяч долараў.
Але гэта па стандартах Міжнароднага валютнага фонда. Золатавалютныя рэзервы, разлічаныя паводле нацыянальных стандартаў, за ліпень скараціліся на 77,8 млн долараў і складаюць 8 млрд 554,8 млн долараў.
У Нацыянальным банку адзначаюць, што на зніжэнне аб'ёма золатавалютных рэзерваў паўплывала пагашэнне ўрадам і Нацбанкам знешніх і ўнутраных абавязацельстваў, інфармуе "Интерфакс-Запад".
Нагадаем, што ў ліпені беларусы купілі валюты ўдвая больш, чым прадалі. Адваротная тэндэнцыя трымалася ад лютага да чэрвеня 2013 года.
