З’явіліся першыя біткоінавыя мільярдэры
Браты-блізнюкі Тайлер і Кэмеран Уінклвос, якія ў 2008 годзе адсудзілі 65 мільёнаў долараў за ідэю Facebook у Марка Цукерберга, сталі першымі ў свеце людзьмі, чый вядомы запас біткоінаў перавысіў мільярд долараў.
Як паведамляюць замежныя СМІ, у 2013 годзе браты набылі крыптавалюты амаль на 11 мільёнаў долараў — гэта было каля 1% ад усіх біткоінаў у свеце. З тых часоў курс вырас амаль у 100 разоў і дасягнуў 11395 долараў на мінулым тыдні. Мяркуецца, што цяпер у распараджэнні братоў Уінклвос каля 100 тысяч біткоінаў.
