Зафіксаваны маштабны збой у працы сэрвісаў кампаніі Meta
Сацсеткі, ілюстрацыйнае фота / pexels.com
12 чэрвеня адбыўся маштабны збой у працы сэрвісаў кампаніі Meta.
З праблемамі сутыкнуліся карыстальнікі Фэйсбука, Інстаграма, Фэйсбук-мэсэнджара, WhatsApp і сацсеткі Threads.
Паводле звестак сэрвісу DownDetector, сотні тысяч карыстальнікаў з розных краін скардзяцца, што іх разлагініла з акаўнтаў і яны не могуць увайсці, іншыя проста не могуць абнавіць старонку.
Карыстальнікі скардзяцца, што стужка навін не абнаўляецца, а ў дадатках з'яўляюцца паведамленні аб тэхнічных няспраўнасцях або немагчымасці загрузкі кантэнту.
Афіцыйных каментароў кампаніі пакуль не было.
Каля 17:30 паводле мінскага часу сервісы нібыта аднавілі працу.
