ААН перапрасіла за "беларускія верталёты"
Ранейшае паведамленне пра тое, што ў Кот-д'Івуары прызямліўся беларускі самалёт з верталётамі, было памылковым.
Пра гэта заявіў 2 сакавіка на брыфінгу ў штаб-кватэры ААН у Нью-Ёрку намеснік генеральнага сакратара па аперацыях па падтрыманні міру Ален Леруа.
Паводле паведамлення Цэнтра навін ААН, Леруа прынёс выбачэнні паверанаму ў справах Беларусі пры ААН Зоі Калантай за нанесеную шкоду іміджу Беларусі.
