Актывіста "Руху будучыні" затрымала Служба бяспекі прэзідэнта
Каля 18-й гадзіны ў цэнтры Мінску падчас праезду картэжа Лукашэнкі затрымалі актывіста "Руху будучыні" Данілу Барысевіча.
Пра гэта Еўрарадыё паведаміў старшыня арганізацыі Вячаслаў Дзіянаў.
Супрацоўнікі Службы бяспекі прэзідэнта закінулі Данілу ў аўтазак і павезлі ў РАУС Цэнтральнага раёна Мінску, дадаў Вячаслаў.
Сам Дзіянаў, ратуючыся ад рэпрэсій, з'ехаў з Беларусі і зараз знаходзіцца ў Літве. Гэтую інфармацыю ён атрымаў ад сяброў праз інтэрнэт.
