Аляксандра Герасіменя ў фінале чэмпіянату Еўропы па плаванні
У сталіцы Венгрыі Будапешце працягваецца чэмпіянат Еўропы па плаванні. Сёння ўвечары адбыліся паўфінальныя заплывы на дыстанцыі 100 метраў вольным стылем у жанчын. Беларуска Аляксандра Герасіменя паказала 4-ты вынік і выйшла ў фінал спаборніцтваў, які адбудзецца заўтра, 11 жніўня, паведамляе Спорт-Беларусь. Нагадаем, што сёння зранку Аляксандра Герасіменя выйграла кваліфікацыю, усталяваўшы пры гэтым новы нацыянальны рэкорд.
