Апазіцыя раскажа пра карумпаванасць беларускіх уладаў
Падрыхтоўка адмысловага дакладу абмяркоўвалася 6 кастрычніка ў Мінску прадстаўнікамі АГП, "Справядлівага свету", БХД, БСДП “Грамада” і шэрагам іншых.
Аўтары дакладу разглядаюць тэму процідзеяння карупцыі як адзін з найважнейшых прыярытэтаў для ўсіх прыхільнікаў пераменаў. Дакумент будзе ўяўляць агульную платформу апазіцыйных структур на некалькіх старонках. Прэзентацыя дакладу запланавана пасля 14 кастрычніка, інфармуе БелаПАН. Акрамя таго, да канца года будзе прэзентаваная папулярная брашура аб'ёмам прыкладна 50 старонак з фактамі, канкрэтнымі прыкладамі і доказамі існавання карупцыі ў Беларусі.
