Беларусь падпісала з Іранам мемарандум аб абаронным супрацоўніцтве

Міністры абароны Ірана і Беларусі падпісалі ў панядзелак у Тэгеране мемарандум аб паразуменні ў вобласці абароннага супрацоўніцтва. У падпісаным дакуменце Мустафа Наджар і Леанід Мальцаў адзначылі намер іранскага і беларускага кіраўніцтва развіваць усебаковыя адносіны паміж дзвюма краінамі з акцэнтам на пашырэнне і кансалідацыю ваенна-тэхнічнага супрацоўніцтва.

За час двухдзённага візіту ў Тэгеран беларускі міністр сустракаўся з высокапастаўленымі прадстаўнікамі ваенна-палітычнага кіраўніцтва Ірана, у тым ліку з прэзідэнтам Махмудам Ахмадзінежадам і галоўнакамандуючым Корпусам Ісламскай рэвалюцыйнай гвардыі Рахімам Сафаві, паведамляе іранскае інфармагенцтва "Farsnews".