Беларускім чыноўнікам забароняць мець рахункі ў замежных банках

Такія нормы прапануе законапраект "Аб барацьбе з карупцыяй", апублікаваны ў аўторак для грамадскага абмеркавання. Пазнаёміцца з ім можна, напрыклад, на сайце газеты "СБ — Беларусь сегодня". 

Згодна з законапраектам, дзяржаўная службовая асоба не мае права мець рахункі ў замежных банках, за выключэннем выпадкаў выканання дзяржаўных функцый у замежных дзяржавах і іншых выпадкаў, устаноўленых заканадаўчымі актамі.
 
Таксама законапраект прапануе забараніць чыноўнікам займацца прадпрымальніцкай дзейнасцю асабіста або праз іншых асоб. Забараняецца чыноўнікам і выконваць на службе ўказанні і даручэнні палітычных партыяў і грамадскіх арганізацыяў, у якія яны ўваходзяць.

Таксама прапануецца, каб штогод дэкларацыі аб падатках падавалі не толькі самі чыноўнікі ды іх мужы і жонкі, але і непаўналетнія дзеці, а таксама блізкія сваякі. 

Фота — komy-za-50.ru