Ціханоўская правяла перамовы з дарадцам Байдэна па нацбяспецы
20 ліпеня Святлана Ціханоўская правяла перамовы з Джэйкам Саліванам, дарадцам прэзідэнта ЗША Джо Байдэна па нацыянальнай бяспецы. На іх прысутнічала амбасадар Джулі Фішэр. Гаворка ішла пра ўзмацненне ціску на рэжым Аляксандра Лукашэнкі з боку Злучаных Штатаў (у тым ліку праз санкцыі, накладзеныя на бізнесменаў, якія яго падтрымліваюць). Ціханоўская расказвала пра рэпрэсіі супраць незалежных СМІ і грамадскіх арганізацый у Беларусі, пра жахлівыя ўмовы ўтрымання зняволеных па палітычных артыкулах.
"Толькі вызваленне ўсіх зняволеных па палітычных матывах і новыя выбары ў бліжэйшы час дапамогуць Беларусі выйсці з крызісу, — гаварыла Святлана Ціханоўская. — І я заклікаю ЗША ў сваіх дзеяннях прытрымлівацца гэтай стратэгіі беларусаў".
Напярэдадні Ціханоўская сустрэлася ў Вашынгтоне з дзяржсакратаром ЗША Энтані Блінкенам.
It was a pleasure to meet National Security Advisor to Biden @jakejsullivan at @WhiteHouse. Thankful for principled position on the crisis in Belarus. I called for enhancing civil society aid & supporting the demand of Belarusians for a new free & fair presidential election. pic.twitter.com/2ulc8hHWNi
— Sviatlana Tsikhanouskaya (@Tsihanouskaya) July 20, 2021
