Дапамогу па доглядзе дзіцяці да 3-х гадоў будуць пералічваць двойчы на год
У Беларусі дапамогу па доглядзе дзіцяці да 3-х гадоў будуць пералічваць двойчы на год — 1 студзеня і 1 жніўня. 26 чэрвеня Савет Рэспублікі ўхваліў змяненні і дапаўненні ў некаторыя законы па пытаннях дапамогі сем'ям з дзецьмі, інфармуе тэлеканал “Беларусь 1”. Законапраект таксама замацоўвае права жанчын атрымаць дапамогу па цяжарнасці і родах у тым выпадку, калі яны сталі на ўлік не толькі ў дзяржаўных, але і іншых арганізацыях аховы здароўя.
Адзначаецца, што мэта дакумента — падтрымаць сацыяльна ўразлівыя слаі насельніцтва.
