Футбольная зборная Нямеччыны выйшла ў 1/4 фінала чэмпіянату свету (відэа)
Матч са зборнай Алжыра атрымаўся для немцаў вельмі цяжкім.
Асноўны час скончыўся ўнічыю 0:0. Толькі ў дадатковы час (на 92-й хвіліне) Шурле адкрывае лік, другі мяч на рахунку Азіла (119-я). Алжырцы паспелі забіць адзін гол у адказ (Джабу, 120-я) — 2:1. У чвэрцьфінале немцы згуляюць з французамі, якія таксама ў няпростым матчы перамаглі нігерыйцаў — 2:0.
У аўторак у 1/8 фінала згуляюць зборныя Аргентыны і Швейцарыі (а 19-й гадзіне паводле беларускага часу), Бельгіі і ЗША (а 23-й гадзіне).
Фота — Fotolia
