КДБ абвяргае, што спрабаваў працаваць у Расіі
Беларуская спецслужба кажа, што не мае дачынення да інцыдэнту з затрыманнем былога менеджара БКК Дзмітрыя Самойлава ў Маскве.
Пра гэта прэс-сакратар КДБ Артур Стрэх заявіў у каментары Радыё "Свабода". Па яго словах, гэта абсурдная інфармацыя, да таго ж яна мае яўна правакацыйны характар.
Артур Стрэх пацвердзіў, што ў адпаведнасці з заканадаўствам дзеянні супрацоўнікаў КДБ на тэрыторыі Расійскай Федэрацыі немагчымыя.
Нагадаем, што па звестках СМІ, топ-менеджара ЗАТ "Беларуская калійная кампанія" Дзмітрыя Самойлава спрабавалі затрымаць 25 кастрычніка ў Маскве. Паведамляецца, быццам гэта былі супрацоўнікі беларускага КДБ. Пасля гэтага служба бяспекі "Уралкалія" ўзяла пад ахову ўсіх супрацоўнікаў кампаніі, да якіх праяўляюць аператыўную цікавасць беларускія сілавікі.
Фота — kgb.by
