Kings Of Leon прадстаўляюць свежы трэк “Beautiful War” (слухаць)
Па словах фронтмэна каманды, тыя, хто не ацэніць гэты трэк, не ацэняць і ўвесь будучы альбом.
Амерыканцы Kings Of Leon выклалі ў сеціва сваю новую песню пад назвай “Beautiful War”. Трэк быў запісаны 10 верасня падчас выступу на радыёстанцыі BBC Radio 1.
У эфіры фронтмэн каманды Калеб Фалаўіл заявіў: “Людзі, якія не ацэняць “Beautiful War”, не ацэняць нічога” (меўся на ўвазе будучы альбом Kings Of Leon).
Рэліз шостай пласцінкі гурта “Mechanical Bull”, якую давядзецца ацаніць прыхільнікам, адбудзецца 24 верасня.
Фота: seatgeek.com
