Кіраўнік МУС падвышаны ў званні
Указам Аляксандра Лукашэнкі міністру ўнутраных спраў генерал-маёру міліцыі Анатолю Куляшову прысвоена спецыяльнае званне генерал-лейтэнанта міліцыі.
Такое павышэнне, прымеркаванае да святкавання Дня абаронцы айчыны, верагодна, улічвала адмысловую ролю Куляшова ў "абароне канстытуцыйнага ладу" 19 снежня.
Як заявіў учора Лукашэнка, нагадваючы аб тых падзеях вайскоўцам, "Сам народ нават не падазраваў, ды і вы, людзі ваенныя, дасведчаныя, ды і я не думаў, што так далёка нашы "правадыры" могуць зайсці. Хоць быў гатовы, як і міліцыя, і вайскоўцы, да любых вынікаў. А калі б не былі гатовыя? Мы б ужо з вамі гэтую сустрэчу не праводзілі".
