Магілёўцы адмаўляюцца ад экскурсій у "мяцежны" Кіеў
Адзін з мясцовых тураператараў паведаміў, што запланаваныя два туры ў сталіцу Украіны адмененыя.
Гэта звязана з тым, што ў Кіеве захоўваецца напружаная сітуацыя : ідзе супрацьстаянне прыхільнікаў еўраінтэграцыі з сіламі аховы правапарадку.
Тым часам магілёўцы працягваюць наведваць гандлёвыя рынкі менш мяцежных гарадоў — Чарнігава і Хмяльніцкага. На такія шоп-туры захоўваецца попыт.
Мясцовыя тураператары плануюць аднавіць турпаездкі ў сталіцу Украіны адразу пасля стабілізацыі палітычнай сітуацыі ўнутры краіны, паведамляе тэлерадыёкампанія "Магілёў”.
