Магілёўскага музейшчыка затрымалі за рэгістрацыю ў плане "Перамога"
Супрацоўнікі ГУБАЗіКа затрымалі загадчыка аддзела культурна-адукацыйнай работы Магілёўскага абласнога музея імя Масленікава Дзмітрыя Жураўскага, паведамляюць праваабаронцы.
Дома ў музейшчыка правялі ператрус. Паводле папярэдняй інфармацыі, яго падазраюць у рэгістрацыі ў чат-боце "Плана Перамога" напрыканцы 2021 года.
Пры гэтым Жураўскі нібыта заявіў, што "гатовы даць схованку ў будынку музея і дапамагчы службовым аўто ў дзень Х".
