Мікалаю Казлову пагражае трохмесячны арышт
Пракурор патрабуе 3 месяцы арышту для Мікалая Казлова. Такі тэрмін запрасіў дзяржабвінаваўца сёння на судзе над лідарам Аб'яднанай грамадзянскай партыі. Гэта максімальна магчымае пакаранне.
Палітыка вінавацяць у "разгалошванні даных дазнання". Экс-міліцыянт Казлоў неаднаразова адмаўляўся даваць падпіску аб неразгалошванні на допытах у Следчым камітэце па "справе Каардынацыйнай рады". А потым распавядаў журналістам, як праходзілі допыты.
Прысуд будзе абвешчаны 6 жніўня. Суд праходзіць у закрытым рэжыме.
