Мінскія "дынамаўцы" прайгралі маскоўскаму "Спартаку", хаця вялі 2:0
Мінскае "Дынама" прайграла "Спартаку" / "Прессбол"
9 верасня хакеісты мінскага "Дынама" ў рамках чэмпіянату КХЛ гулялі ў гасцях у маскоўскага "Спартака".
"Зубры" вялі ў гульні з лікам 2:0 дзякуючы Дзілону Дзюбэ і Раману Гарбунову. Аднак у другім перыядзе мінская каманда прапусціла чатыры шайбы.
Завяршылася гульня паразай "Дынама" — 2:5.
Наступны матч "бела-блакітныя" правядуць 11 верасня супраць "Віцязя".
Пасля двух матчаў "Дынама" з двума ачкамі размяшчаецца на дзявятым радку Заходняй канферэнцыі КХЛ. "Спартак" пасля трох паядынкаў мае пяць балаў і займае другую пазіцыю.
