“Мне няма чаго ўтойваць”: Вячорка пра свой подпіс пад фінансавымі дакументамі

Яшчэ я з’яўляюся віцэ-прэзідэнтам міжнароднай некамерцыйнай арганізацыі DCN Global, якая аб’ядноўвае інавацыйныя медыяініцыятывы з усяго свету. У гэтыя дні DCN Global праводзіць канферэнцыю ў Сафіі, у Балгарыі, дзе бяруць удзел украінскія і беларускія журналісты і блогеры.

Таксама я з’яўляюся запрошаным выкладчыкам Каледжа Еўропы, выкладаю прадмет пра ідэі дэмакратыі ў краінах Усходняга Партнёрства. У гэтым годзе, праўда, заняткаў няма па зразумелых прычынах.

Ну і апошняе: я з’яўляюся старшым экспертам Еўразійскага цэнтра Атлантычнай рады — экспертнага цэнтра. Але з-за недахопу часу ўдзелу ў яе дзейнасці не бяру.

Маёмасці (кватэр, машын) не маю.

Мне няма чаго ўтойваць. Я ніколі не працаваў на рэжым і не ішоў на здзелкі з сумленнем. Мне ніколі не было сорамна за тое, што я рабіў.  Ясна, што хібы былі, куды без іх. Мне шмат даставалася за тату, які вельмі шмат зрабіў для сваёй краіны. І я на сто адсоткаў веру ў тое, чым займаюся. Веру ў Святлану Ціханоўскую. Веру, што ўсе выйдуць з турмаў і вернуцца дадому, — падводзіць рысу Франак Вячорка.