МУС павялічыла "спіс экстрэмістаў" адразу на 178 чалавек
Міністэрства ўнутраных спраў / reform.by
25 лістапада Міністэрства ўнутраных спраў унесла чарговыя дадаткі ў "спіс экстрэмістаў".
У "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці" дададзеныя 178 імёнаў. Большасць з іх — асуджаныя паводле "палітычных" артыкулаў 342 і 369 Крымінальнага кодэкса, якія цяпер адбываюць пакаранне, пішуць праваабаронцы "Вясны".
"Экстрэмістамі" цяпер лічацца палітзняволеная актывістка Паліна Шарэнда-Панасюк, дэпартаваны фігурант "справы карагодаў" Данііл Чамаданаў, керамістка Наталля Карнеева, асуджаная да "хатняй хіміі", ды мноства іншых.
Цяпер у спісе налічваецца 2059 чалавек.
