Начальніка Пінскай ДАІ затрымалі за перавышэнне службовых паўнамоцтваў
Упраўленне Следчага камітэта па Брэсцкай вобласці пачало на яго крымінальную справу.
Кіраўніка Пінскай гарадской ДАІ падазраюць у тым , што ў лютым 2014 ён даў незаконнае ўказанне, якое выходзіць за межы яго правоў і паўнамоцтваў, падначаленаму супрацоўніку дарожна-патрульнай службы.
Падазраванага ўзялі пад варту, інфармуе БЕЛТА. Цяпер ідуць следчыя дзеянні.
Начальніку ДАІ пагражае пазбаўленне волі ад 3 да 10 гадоў з канфіскацыяй або без канфіскацыі маёмасці з пазбаўленнем права займаць пэўныя пасады або займацца пэўнай дзейнасцю.
Фота — minsknews.by
