"Ой, напалохалі!" Што смешнае ў законапраекце аб ваенным становішчы ў Беларусі
Школьнікі на вучэбна-палявым зборы / t.me/modmilby
Законапраект аб магчымым увядзенні ваеннага становішча ў Беларусі, які паступіў у парламент, натхніў Еўрарадыё падняць ужо існы закон аб ваенным становішчы і паглядзець, што, уласна, можа памяняцца ў нашым жыцці.
Мяркуючы з дакумента, грамадзянам у перыяд ваеннага становішча забараняецца: набыццё зброі, боепрыпасаў, выбуховых рэчываў; арганізацыя і ўдзел у сходах, мітынгах, вулічных шэсцях, дэманстрацыях, пікетаванні і іншых масавых мерапрыемствах; выраб і распаўсюд інфармацыі аб дзяржаўных органах, органах ваеннага кіравання, мясцовых саветах абароны, дзеяннях Узброеных Сіл, іншых войскаў і воінскіх фарміраванняў, ваенізаваных арганізацый, прыцягнутых да забеспячэння ваеннага становішча, аб ваенным і эканамічным стане Рэспублікі Беларусь, ходзе ваенных дзеянняў без дазволу ўпаўнаважаных службовых асоб органаў ваеннага кіравання, які выдаецца ў адпаведнасці з заканадаўствам, што рэгулюе пытанні ваеннай цэнзуры.
