Пасля крытыкі Кадырава знялі камандуючага групоўкай расійскіх войскаў "Цэнтр"
Генерал Лапін / ТАСС
Камандуючага Цэнтральнай вайсковай акругай генерал-палкоўніка Аляксандра Лапіна знялі з пасады. Афіцыйнай інфармацыі пра гэта няма, але такія дадзеныя распаўсюджваюць расійскія "ваенкары".
Днямі на Лапіна абрынуліся з крытыкай "ястрабы": рэзка пра генерала выказаўся кіраўнік Чачні Рамзан Кадыраў. Вядома таксама, што кепска да генерала ставіцца стваральнік ПВК "Вагнэр" Яўген Прыгожын.
"Ястрабы" вінавацяць генерала ў тым, што ён дапусціў прарыў украінскіх войскаў у раёне населеных пунктаў Церны, Тарское і Ямполаўка на Данбасе.
Лапін таксама вядомы як генерал, які ўзнагародзіў свайго сына-вайскоўца пасля адступлення ад Чарнігава.
