Полк Каліноўскага паведамляе пра гібель чатырох байцоў
Загінулі чатыры байцы палка Каліноўскага / t.me/belwarriors
На вайне ва Украіне загінулі чатыры "каліноўцы", паведамляе прэс-служба палка Каліноўскага.
Тры — з батальёна "Літвін", адзін — з батальёна "Волат". Іх імёны полк не раскрывае ў мэтах бяспекі.
"Мы ніколі не забудзем нашых пабрацімаў, і нягледзячы ні на што мы працягваем шлях да перамогі над крывавай імперыяй. Рана ці позна імёны загінуўшых з гонарам загучаць у роднай Беларусі! Загучаць яны ў назвах вуліц, у падручніках гісторыі і ў песнях роднага народа", — гаворыцца ў паведамленні прэс-службы палка.
Сёння стала вядома і пра смерць беларускага добраахвотніка з аб'яднання "Пагоня".
