Польшча працуе над канцэпцыяй спынення выдачы віз расіянам

Польшча працуе над распрацоўкай канцэпцыі, якая б дазволіла не выдаваць візы грамадзянам Расіі. Аб гэтым заявіў намеснік міністра замежных спраў Польшчы Петр Ваўжык.

Паводле яго слоў, што польская дыпламатыя ўжо некалькі тыдняў абмяркоўвае гэтае пытанне з некаторымі краінамі-сябрамі ЕС, і зазначыў, што Літва, Латвія і Эстонія, а таксама Чэхія і Славакія таксама маюць падобны пункт гледжання на гэтыя пытанні.

"Мы можам чакаць рашэння па гэтым пытанні ў найбліжэйшыя тыдні", — дадаў ён.

Прадстаўнік МЗС таксама станоўча ацаніў рашэнні, у прыватнасці, Латвіі і Эстоніі прыпыніць або абмежаваць выдачу віз расійскім грамадзянам.