Прысуд па справе "Знамя юности" супраць Ляўчука" будзе абвешчаны 21 лютага
17 лютага ў судзе Маскоўскага раёна Брэста адбылося чарговае паседжанне па пазове газеты "Знамя юности" да свайго былога карэспандэнта Алеся Леўчука.
Рэдакцыя патрабуе ад Леўчука публічных выбачэнняў на старонках газеты за шкоду дзелавой рэпутацыі. Алесь сваёй віны не прызнае, і сённяшні суд пакуль не схіліўся на бок пазоўніка. Суддзя Алена Рэуцкая ўзяла час у дарадчым пакоі, каб прыняць і зранку 21 лютага абвясціць рашэнне.
"Працэс прайшоў на добрым узроўні, — распавёў Еўрарадыё грамадскі актывіст Дзяніс Турчаняк. — Доўга даследаваліся аргументы пазоўніка і адказчыка. Былі заслуханыя двое сведкаў з боку газеты “Знамя юности”.
Нагадаем, "шкодай" "Знамя юности" палічыла выказванні Ляўчука ў блогу і на Радыё "Свабода" наконт таго, што яго вымушалі пісаць станоўчыя матэрыялы пра прэзідэнцкія выбары і адмоўныя — пра ўдзельнікаў мітынга 19 снежня.
