Пуціна просяць выратаваць беларускіх вязняў сумлення
Сваякі зняволеных фігурантаў справы аб "масавых беспарадках" звярнуліся да расійскага прэм'ера Уладзіміра Пуціна з лістом.
Яны заклікаюць "зрабіць рэальныя крокі, каб спрыяць вызваленню беларускіх вязняў сумлення".
"Вы можаце ўмяшацца, каб выратаваць жыцці людзей і пацвердзіць, што Расія — гэта сапраўды дружалюбная да нас дзяржава, якая не можа заставацца ўбаку, калі ў Беларусі пануе самавольства і беззаконне", — адзначаецца ў лісце.
Сакратар амбасады РФ у Мінску Вадзім Гусеў пацвердзіў БелаПАН факт атрымання ліста.
Нагадаем, рабочы візіт Пуціна ў Мінск запланаваны на 15 сакавіка.
Фота: nv-online.info
