Расіяне затапілі чацвёрты карабель у Крыме
На выхадзе з бухты Данузлаў у Крыме расійскія вайскоўцы затапілі яшчэ адзін, чацвёрты па ліку карабель.
Пра гэта паведамляе УНІАН са спасылкай на кіраўніка прэс-службы Мінабароны Крыма Уладзіслава Селязнёва.
Нагадаем, у ноч на 6 сакавіка расійскія вайскоўцы затапілі раней спісаны вялікі супрацьлодачны карабель "Ачакаў" ля ўваходу ў возера Данузлаў. Гэтак яны перакрылі выхад у мора караблям Паўднёвай ваенна-марской базы Ваенна-марскіх сіл Узброеных сіл Украіны.
Фота — УНІАН
