БАТЭ выйшаў у плэй-оф Лігі чэмпіёнаў! (Фота+Відэа)

Першы гол на 19-й хвіліне забіў Віталь Радзівонаў, але ўжо літаральна праз 3 хвіліны госці зраўнялі лік — мяч у браму беларусаў накіраваў Вялічка. На 35-й хвіліне Рэнан Брэсан зноў вывеў барысаўчан наперад. Праўда, праз 4 хвіліны Брэсан атрымаў другую жоўтую картку і быў выдалены з поля, барысаўчане засталіся ў меншасці.

У далейшым гульня была вельмі нервовай. І БАТЭ, і "Экранас" мелі добрыя моманты, каб змяніць лік, але іх не рэалізавалі. Толькі на 89-й хвіліне Міхаіл Гардзяйчук робіць лік 3:1 на карысць барысаўчан і здымае ўсе пытанні ў матчы.

Нагадаем, тыдзень таму каманды згулялі ў Панявежасе ў “сухую” нічыю.

У пятніцу адбудзецца лёсаванне плэй-оф Лігі чэмпіёнаў.

Фота — bymedia.net