Дэпутаты асудзілі заўтрашняе "ўмяшанне ва ўнутраныя справы"
Заўтра Сейм Польшчы прыме рэзалюцыю па Беларусі, але ўжо сёння яе асудзілі дэпутаты Палаты прадстаўнікоў.
"25 лютага 2011 Сейм Рэспублікі Польшча плануе прыняць рэзалюцыю па Беларусі, у якой даецца перадузятая і тэндэнцыйная трактоўка сітуацыі ў нашай краіне", — гаворыцца ў паведамленні сталай камісіі Палаты прадстаўнікоў па міжнародных справах, якое змешчана на афіцыйным сайце ПП.
"Мы расцэньваем змест праекта рэзалюцыі Сейма Рэспублікі Польшча як умяшанне ва ўнутраныя справы суверэннай дзяржавы, якое сведчыць аб свядомым правядзенні лініі на абвастрэнне беларуска-польскіх адносінаў", — падкрэслівае камісія.
