Дзяржкантроль: Падтрымліваць трэба толькі акупляльныя праекты
Цягам апошніх гадоў прасочваецца негатыўная тэндэнцыя неэфектыўнага выкарыстання сродкаў дзяржпадтрымкі.
Пра гэта сёння ішла размова на сустрэчы Аляксандра Лукашэнкі са старшынём Камітэта дзяржкантролю Аляксандрам Якабсонам.
Штогод дзяржпадтрымку атрымліваюць больш за 3 тыс. суб'ектаў гаспадарання. Пры гэтым па выніках 2010 года колькасць неэфектыўных праектаў, якія выкарыстоўвалі дзяржпадтрымку, склала каля адной траціны ад ліку суб'ектаў гаспадарання, правераных камітэтам.
Старшыня КДК прапанаваў накіроўваць дзяржпадтрымку выключна на акупляльныя праекты, паведамляе БЕЛТА са спасылкай на прэс-службу прэзідэнта.
