Фанаты “Нёмана” прайшлі па Гродне жоўта-зялёным маршам (фота)
29 красавіка, напярэдадні матча каманд “Нёман” (Гродна) і “Дынама” (Мінск) гродзенскія аматары зладзілі акцыю падтрымкі свайго клуба.
Шэсце з жоўта-зялёнай сімволікай клуба прайшло ад Савецкай плошчы да стадыёна.
“Хто калі не мы зможам зламіць непрыемны для нас і каманды цяжкі перыяд, — пішацца на сайце фан-клуба “Grodno Ultras”. — “Давайце пакажам усім і асабліва самім сабе, што нас не зламаць паразамі і няўдачамі… Пакажам, як умеюць і хочуць заўзець у Гродне”.
25 красавіка “Нёман” прайграў у ½ фінала Кубка камандзе “Мінск” з лікам 0:2.
