Ірландыя правядзе рэферэндум па дамове Еўрасаюза
Жыхары краіны сёння выкажуць свае адносіны да пытання далучэння Ірландыі да еўрапейскай дамовы бюджэтнай стабільнасці.
Гэты крок даваў бы Еўрасаюзу большы кантроль над ірландскай эканомікай. Адначасова Ірландыя магла б атрымліваць еўрапейскую фінансавую дапамогу.
РІА "Новости" нагадвае, што дагэтуль дамову ЕС, якая прадугледжвае аўтаматычныя санкцыі за парушэнне бюджэтнай дысцыпліны, падпісалі 25 з 27 краін Еўрасаюза. Выключэннем сталі толькі Чэхія і Вялікабрытанія.
Вынікі ірландскага рэферэндума, аднак не паўплываюць на лёс самой дамовы. Для таго, каб яна пачала дзейнічаць, дастаткова ратыфікацыі мінімум 12 дзяржаваў. Аднак, паводле апошніх апытанняў, ірландцы схіляюцца да падтрымкі дакумента: 57% гатовыя за яго прагаласаваць на нацыянальным рэферэндуме.
